Қазақтың ұлттық музыкалық аспаптары көп, мысалы: домбыра, жетіген, қобыз, адырна, асатаяқ, дауылпаз, шертер. Аспаптардың ішінен ең кең тараған - домбыра. Домбыраны білмеген, көрмеген қазақтың ұл-қызы жоқ. Өйткені домбыра қазақтар өмірінде маңызды орын алады, күй жанрының қалыптасуына ықпал еткен. Құрманғазы, Дәулеткерей, Тәттімбет даңқты күйшілердің шертпе күй дәстүрлерінің тууы, дамуы осы домбыра аспабымен тікелей байланысты. Олардың дәстүрін, мұрасын бүгінгі күнге жеткізген Дина Нұрпейісова сияқты домбырашылар болса, қазіргі майталман орындаушылар – Қ. Ахмедияров, У. Бекенов, Р. Ғабдиев, С. Шәкіратов, Б. Ысқақов, Б. Тілеуханов, А. Үлкенбаева, А. Райымбергенов, т.б. Домбыра – тек күй тартуға ғана емес, ән айтқанда сүйемел үшін де қолданылатын аспап. Домбыраның репертуары орыс классикасы шығармаларымен және қазіргі заманғы музыкалық шығармаларымен де байып отыр.