Көктемнің жақындап қалғаны қандай жақсы! Қыстың соңғы күндерін санап, мен бұл мезгілді тағатсыздана күтудемін. Күн біршама жылынып, табиғат мамыржайланып, қысқы ұйқысынан оянайын деп жатыр. Мен болсам, малдардың төлдеуін қарайлап жүрмін. Осы мезгілде болатын ғажайыптың бірі сол емес пе? Оған қоса, көктемде ғана гүлдейтін бәйшешектер қандай әдемі! Олар қаһарлы қыстың ызғарымен күресіп жатқан, көктем символикасы іспеттес. Күн мен түн теңесіп, ақыры күн де ұзарады. Көктемде баршамызға әйгілі мейрамдар "Наурыз" бен "Халықаралық әйелдер күні" тойланады. Өзендер мен көлдердегі мұз еріп, гүлдер гүлдейді, ағаштар бүршік жарады. Көктемнің үш айы да адамдардың барлығын мәз-мейрам қылады! Мен және менің отбасым үшін, көктем құт пен берекенің белгісі.