1.Реттік сан есімдер есептік сандарға -ыншы (-інші) жұрнақтарын қосу арқылы жасалады да, белгілі бір заттар мен құбылыстардың сандық ретін білдіру үшін қолданылады. Мысалы: Тамара атты жетінші класта оқып жүрген жалғыз қызым бар.
2.Кушейтпелі шырай - зат белгілерібаска зат белгілерімен салыстырғанда өте артык немесе өте кем екендігің анықтайтын шырай түрі.
Күшейтпелі шырай негізгі сын есімге күшейткіш буынды қосу арқылы жасалады: жап-жасыл қап-қара, ап-аласа, боп-боз, аппақ т.б
3.Жалғаулық шылаулар— бірыңғай мүшелердің, сөйлем мүшелерінің және
құрмалас сөйлем сынарларының ара қатынасын білдіретін шылау сөздер.Жалғаулық шылаулар мағынасына және синтаксистік қызметіне қарай 6 түрге бөлінеді:
Ыңғайластық қатынасты(мен (бен, пен, менен, бенен, пенен), да, де, та, те, және, һәм, әрі.),
Қарсылықты қатынасты(Бірақ, алайда, дегенмен, әйтпесе, әйткенмен, сонда да.),
Талғаулықты қатынасты(әлде, біресе, бірде, не, немесе, я, яки, болмаса, кейде),
Себеп-салдарлык, қатынасты(себебі, өйткені, сондықтан, сол себепті),
Шарттық қатынасты білдіретін жалғаулықтар: (егер, егер де)
Мысалы:
Ыңғайластық қатынасты: Күзде және қыста күн салқын болады.
Қарсылықты: Оның ойлағаны болды, бірақ мәселенің басы шешіле қоймады.
Себеп-салдарлық: Біз ауылға бара алмаймыз, өйткені демалыс бітіп қалды.
Талғаулықты: Бұл істі я мен бітіремін, я сен бітіресің.