Үлкенге құрмет.
Мен бұл сөзді кішкене күнімне естіп өстім.Тек қана естіп емес, іс жүзінде көріп те өстім. Себебі менің отбасым- үлкен тәрбиелі отбасы. Үйдің үлкені-атам мен әжем, олардың орындары төрде. Олардан кейін әкем мен анам отырады. Әкем мен анам атам мен әжемді қатты құрметтейді, бізден соны талап етеді. Олардың әрбір сөзін жауапсыз қалдырмайды, өтініштерін екі еткізбей орындайды. Осылай біз үлкенді қалай құрметтеу қажеттігін үйрендік. Біз көршідегі үлкендерге де құрмет көрсетеміз, олар бізді өз балаларына үлгі етіп айтып отырады. Бізге әрдайым алғыстарын жаудырады.