Айран гипертония, гастрит ауруларына ем. Сондай-ақ, жатар алдында ұйқыңыз қашса, 1 кесе айран ішіңіз, сіздің тыныш әрі жақсы ұйықтауыңызға көмектеседі. Сүтті айтпаса да белгілі, оның құрамында белоктың ең көп мөлшері бар. Жас босанған әйелге алғашқы күні сүтті беретіні жайдан-жай емес. Құрт – сүттен жасалатын сүт тағамдарының бірі. Қазірде жастар арасында құртты жақсы көретіндер өте көп, ал үлкендер онсыз да құртты сүйіп жейді. Қазақта өреде тұрған құртты кеппей жатып алып жеуге болмайды деген ырым бар. Егер де кептірілмей жатып алып жесе, қатты жауын болады деген түсінік қалыптасқан. Ал құрт өкпе ауруына, суық тиіп ауырғанда көмектесетін бірден-бір тағам. Түркияда сүт тағамдарын дайындайтын фирмалардың дайын өнімдерін ішуге қарсы. Себебі аптасына 3 реттен көп фирмалық сүт тағамдарын пайдаланған адамның басында ми ісіктерінің 3 есе өсу қаупі бар. Сондықтан, дайын сүт тағамдарынан гөрі, табиғи, таза сүт тағамдарын пайдаланған денсаулығыңызға өте тиімді.