Жайлау
Мен жайлау туралы кітаптан оқығаным болмаса, көрген емес едім. Биыл жазғы каникулда алғаш рер жайлауда болдым. Менің досым Азиздің атасы қой шаруашылығымен айналысады. Сол досым мені өзінің атасына бірге барып, біраз демалып қайтуға шақырды. Атасы тау етегіндегі көгілдір шалғында, бұлақ басында орналасқан екен. Досым бұл жерді жайлау деп түсіндірді. Жылда күн жылысымен қыстаудан осында көшеді екен, күн салқындағанға дейін. Бұл жердің табиғаты адамға да жануарларға да өте қолайлы екен. Ауасы керемет таза. Бұлақ суы мөлдір. Таудан салқын самал соғып тұр. Бейне бір ертегідегідей өмір.