Дос бергенінің түсіне қарама.
Досың ауырса, ыңқылда.
Дос досқа жалынса,
Достың көңілі алынады.
Дос, досқа зыянкер емес,
Зыянкер болса, дос емес.
Доспен дос болғанға шаттан,
Дұшпанмен дос болғаннан сақтан.
Досқа келсең босқа келме.
Дос басқа қарар,
Дұшпан аяққа қарар.
Дос сыртыңнан мақтар,
Дұшпан көзіңе мақтар.
Дос жылатып айтар,
Дұшпан күлдіріп айтар.
Досқа ат берме,
Ат берсең, жай жүр деме.