Мұхтар Əуезов бала кезінде атасының үйретумен арабша хат таниды. Мұхтардың əкесі Омархан да, атасы Əуез де, Абай аулымен іргелес отыратын, дос-жар , құдыла адамдар еді. 1908 жылы Семейдегі Камилиддин хазірет медресесінде оқып, орыс мектебінің дайындық курсына ауысады. 1910 жылы Семей қалалық бес кластық орыс қазына училищесіне оқуға түсіп, соңғы класында оқып жүргенде "Дауыл" атты алғашқы шығармасын жазады.