Ақша не үшін керек? Бұл дүниеде жанды зат болсын, жансыз зат болсын, адам болсын, жан-жануар болсын бәрінің өзіндік орны, маңызы бар. Бұлар бір-біріне өте қажет. Мысалы: сусыз, ауасыз, тамақсыз өмір сүре аламыз ба? Әрине, өмір сүре алмаймыз. Сондай-ақ ақшаның да өмірде алар орны бар. Ол адамның еңбегінің ақысы, тіршілігінің көзі. Ақшаны адал жолмен таба білу, оны игілігіңе жұмсай білу оңай іс емес. Ақшам көп екен деп шашып жұмсауға болмайды. Ақша деген ретсіз жұмсасаң аққан судай ұстай алмай қаласың. Сол сияқты қажетіңе жұмсамай отыруға да болмайды. Бәрін орнымен істеу керек.