Ертеде жылан патша болған. Бір кезде ол кімнің қаны тәтті екенін білгісі келген. Сөйтіп масаны шақырып, кімнің қаны тәтті соны тауып келсін деп тапсырған. Маса барлық аң құстың қанының дәмін татып бір шешімге келген. Ең тәтті қан ол кішкентай нәрестенің қаны болған. Сөйтіп маса жыланға ұшып баратқан. Оны байқап қалған қарлығаш масадан кімнің қаны тәтті деп сұрайды. Маса кішкентай баланыңкі дейді. Қарлығаш өтірік сенбегендей масаның тілін көрсетуін сұрайды. Сөйтіп маса тілін көрсеткенде қарлығаш масаның тілін жұлып алады. Маса жыланға құр ызылдаудан басқа ешнарсе айта алмады. Бірақ қарлығаштың кінәлі екендігін көрсетті. Оны көрген жылан ашуланып қарлығашты құйрығынан тістеп тап береді. Бірақ қарлығаш бар күшімен жұлқынып жыланнан құтылып кетеді. Алайда жылан тістегеннен кейн қарлығаштың құйрығы айыр болып қалды.