Адам бойында қанағат деген болмаса, ол ешқашан өзінің болғанын, толғанын, тойғанын білмейді . Қанағатсыздық адамды жақсылыққа жеткізбейді. Қанағат адам бойындағы асыл қасиет. Ал, адамда қанағат болу үшін оған өзінің жетістіктерін бағалайтын ақыл керек. Ол ақылмен барлық қиындықтарды жеңіп, өз мақсатына жетеді. Ақылды, қанағатшыл адам өз табыстарын босқа шашпайды, егер ол басқалармен бірлескен табыс болса әділетпен бәріне тең бөледі. Адамның бойында әділеттілік, қанағат, ақыл сияқты жақсы қасиеттердің болуы үлкен бақыт.