Құс – қанаты, қауырсыны, тұмсығы бар, жылықанды, омыртқалы жануар.
Құстардың басым көбі ұша алады. Олардың алдыңғы аяғы қанатқа ай- налған, сан және мойын бұлшық еттері жақсы жетілген. Сүйектерінің іші қуыс болғандықтан, қаңқасы жеңіл. Бұл ұшуға жеңілдік туғызады. Құстар ұшқан кезде, көп қуат жұмсайды, сондықтан ұшуға дәрменді болу үшін жемді көп жеулері керек. Құстар уақытының басым көбін азық іздеумен өткізеді. Олар жәндіктер санын реттеу мен өсімдік ұрықтарының таралуына зор ықпал етеді. Құстардың ас қорыту жүйесі қоректі көп мөлшерде қабылдап, тез қорытуға бейімделген. Ұшқыш құстардың қанаты оның жер- ден көтеріліп ұшуына ыңғайлы боп жаратылған. Қазіргі құстардың тісі жоқ. Бірақ ежелгі құстарда тіс болған. Құстардың тілі бар, бірақ бір ерекшелігі – олардың тілінде сүйек болады.
Құстардың көпшілігі балапан өрбіту және азыққа тояттау үшін жылы жаққа ұшып кетеді.
Құстарды Жер шарының барлық түкпірінен кездестіруге болады. Бүгінгі таңда құстардың 9000-дай түрі бар.