Бала тәрбиесі -ұлтқа сын. Қазақ халқында "Баланы жастан"деген мақал бар. Бала тәрбиесіне сәби шыр етіп, дүние есігін ашқаннан көңіл бөлуіміз керек. Бала біздің ертеңіміз, болашағымыз. Баланы дұрыс тәрбиелеу үшін ата-ана сәбиге үлгі боларлық дәрежеде болуы керек. Мысалы: өзі дөрекі сөйлеп, өтірік айтып, отбасының берекесін алатын әке баласына қандай тәрбие бере алады. Ал, жұмыстан келісімен телефонын қарап баласына көңіл бөлмейтін ана баласына қалай үлгі болады. Сондықтан, балаға мейірімділікпен, сыйластықпен, кешіріммен қарап, кемшіліктерін жәй айтып түсіндіріп отырған дұрыс. Баланы кішкене күнінен шыдамдылыққа, шыншылдыққа, үлкенге құрмет, кішіге ізет көрсетуге, еңбекқорлыққа баулу керек. Бала тәрбиесі баршамызға ортақ іс.