Зборныя назоўнікі абазначаюць сукупнасць прадметаў ці асоб як адно цэлае. Напрыклад, каменне - сукупнасць камянёў, сялянства - сукупнасць сялян і г.д.
Рэчыўныя назоўнікі абазначаюць рэчывы (нафта, цукар і г.д.).
Адзінкавыя назоўнікі абазначаюць асобныя прадметы, выдзеленыя з агульнае сукупнасці. Напрыклад, пылінка (выдзеленая з пылу), сняжынка (са снегу) і г.д.
Уласныя назоўнікі - гэта індывідуальныя назвы, імёны і інш. (Ганна, "Вясёлка", Мінск і г.д.).
Агульныя назоўнікі - супрацьлегласць уласным, абазначаюць класы аднародных прадметаў, асоб і г.д. (дзяўчынка, часопіс, горад і г.д.).