Аңыз әңгімелер, ертегілер ертедегі адамдардың арман-қиялдарынан құрастырылған. Жаудан жәбір шеккен ел ортасынан жаудан ақысын алатын батыр шыққанын армандап, сондай ойдан жасаған батырларын аңызға айналдырған. Олар жаудан елін қорғап, жерін қорған, балаларын жетім қылмай, әйелдерін жесір қылмай, өзгеге ақысын жібермей, өз бастарын от пен оққа тіккен. Бұл аңыздардың тәлімдік мәні- адамгершілік, ержүректік, қарапайымдылық, маңызы-отанын, елін, халқын жаудан аман сақтау.