Айналамызға қарасақ, табиғат көркі ағаш екенін көреміз. Ал адамдар осыны біле тұра жас ағаштарды отынға кеседі, олардан үй салады және өз керек-жарағына жұмсайды. Барлық ағашты отынға пайдалану үшін кесіп тастасақ, көктемде табиғат көріксіз болып тұрмай ма? Сондықтан да, ағашты түгелімен отап тастамай, оларға күтім жасауға сіздерді шақырамын. Ағаштың бізге тигізер пайдасы өте көп екенін біліп жүргендеріңіз жөн. Ағаштар және басқа өсімдіктер болмаса, таза оттегі бізге қайдан келеді? «Бір тал кессең, он тал ек» дейді ғой қазақ даналығы? Ағаш табиғаттың ерекше жаратылған бір көркі. Соны ұмытпайық және үнемі есімізде сақтап жүрейік.