Мой вариант:
Егер мен президент болсам,ең алдымен,егеменді Қазақстан Республикасының Қарулы Күштерін дамытар едім.Себебі,біздің кең байтақ жеріміз бен жомарт халқымызға әлі күнге шейін тіс қайраушылар көп.Сондықтан да,құрлық,теңіз,әуе қорғанысын басты назарға алар едім.Ел ішіндегі қылмыстар мен құқық бұзушылықтарға қатал да қатаң жаза орнатқан болар едім.Оған қоса індетке айналған жемқорлық деген бір елі ауызға екі елі қақпақ болар едім.Келесі қозғар мәселем ол – білім жүйесі.Еліміздегі білім ұяларында болып жатқан жақсы өзгерістерді,әлбетте,мен қолдаймын.Алайда,жаппай емес,аз да болсын сынақ ретінде Қытайдағы оқу жүйесі бар мектептер аштырар едім.Мен білімді адамды қатып қалған теориялармен шектелген емес,рухани байлығы мол,ойлау,ой білдіру дәрежесі кең адам деп білемін.Егер сол бір Қытайдағы білім режімін қолданып көрсек, мүмкін жас өрендердің алдына қойған мақсаттары анық болып, одан әрі оқуға деген сүйіспеншіліктері артқан болар еді деп білемін.Үшіншіден, Қазақстанда дамымаған жол торабын, теңіз жолын жандандыруға күш салар едім.Әрине, мүмкін еместей көрінер, бірақ осыдан 27 жыл бұрын Қазақстанның аяққа тұрып кетуіне де күмәнмен қарағандар көп болды, алайда еліміз қысқа уақыт ішінде көркейіп, жоғары деңгейге жетті, сондықтан мүмкін емес нәрсе жоқ деп ойлаймын.Келешегіміз кемел,болашағымыз жарқын болсын!