"1аьнан цхьа день"
1а-иза шеран уггаре хаза зама ю.Диллана ло массера самукъа хуьлий д1а х1утту:баккхийчера а,кегийчера а.Баккхийчарна жималла дага йоуьйта 1аьно.
Иштта 1аьнан цхьа де дара.Диллина доккха ло дара,и ло къегош хьаьжна малх бара.Дуккха а бераш дара арахь.Берийн санна,кхин дукха дацахь,к1езиг дацар олхазарийн самукъа.Тхо ловзара,уьдара,хехкалора.Жимма дехьо-о цхьанна х1уманах самукъа ца долуш,тебна цхьана олхазарах б1аьрг кхийтар сан.И дара жима хьоза.Суна цунах ч1ог1а къа хийтира.Сайн ловза лаъаралла сов даьллера сан,цунна г1о дан лаар.Сайн ловзар д1а а тесна,аса меллаша схьа а эцна,сайн х1усаме дигира хьоза.Хи а малийна,хьалха к1а а тесна, пеша хьалха охьа хьахийра аса и.Суна ч1ог1а лиънера,массо берийн а,олхазарийн а санна,цуьна самукъа долийла.Жимма хан елира,т1аккха цхьа самукъа даьлла,д1а-са лелха дуьйладелира иза.Суна билгал делира,цунна г1оле хилла хилар.Т1аккха и хьоза схьа а эцна хьалха санна ловза вахара. Со сайн берийн тобанах д1а кхийтар,хьоза шен хьозийн тобанах д1а кхийтар.
Иштта цкъа ирча а,юха хаза а деара и 1аьнан де хьозана а а,суна а.