Соғыс. Не деген жан түршігерлік сөз. Естіген адам еңсесін тік ұстап отыра алмас сірә. Соғыс ешқашанда ешқандай қуаныш әкелмейді. Соғыс десек көз алдымызға тек суық қару-жарақтар, қан-төгіс елестейді. Расында, ол қайғы мен қасірет, бақытсыздық әкеледі. Соғыс. Осы бар болғаны бес әріп миллиондаған адамның жанын қиды, көптеген адамдар мүгедек болып қалды. Қатыгез соғыс бір мың тоғыз жүз қырық бірінші жылы басталып, бір мың тоғыз жүз қырық бесінші жылы аяқталды. Осы төрт жыл бойы қаншама адамның өмірі қиылды, қалалар қирады.