Қысқы Универсиада 2017 — 28-ші қысқы Универсиада, Қазақстандағы Алматы қаласында 2017 жылы 29-шы қаңтар мен 8-ші ақпан аралығында өтті.
Универсиада жарыстары спорттың 12 түрі бойынша өтті. Олардың арасында тау шаңғысы, биатлон, шаңғы жарысы, шаңғы қоссайысы, шаңғымен трамплиннен секіру, сноуборд, фристайл, мәнерлеп сырғанау, шорт-трек, конькимен жүгіру спорты, шайбалы хоккей (ерлер және әйелдер арасында) және керлинг ойындары бар.
Алау Эстафетасы – Универсиаданың ең жарқын оқиғасына айналды. Эстафета жоба географиясын бір қала масштабынан бүкіл ел масштабына дейін кеңейтті. Алау Қазақстанның 16 қаласына барып, жермен 200 астам километр және әуемен 2300 км жүріп өтті.