Қарағанды қаласы - бұл индустриалдық орталық, теміржол мен әуе жолының аса маңызды торабы, ғылымы мен мәдениеті дамыған қала, көптеген туристік-экскурсиялық желістердің қайнаған ортасы. Қала 1934 жылы 10 ақпанда құрылған. Өзінің экономикалық, ғылыми және мәдени әлеуеті бойынша Қарағанды Қазақстанның жетекші орындарының бірін алады, қалада 113-тан аса ұлт өкілдерінен құралған 471,8 мың адам тұрады. Қала аумағы 497,8 шаршы метрді құрайды. Қарағандыда көмір өңдіретін ірі кәсіпорындар, машина жасау, металл өңдеу және тамақ өнеркәсібі, сондай-ақ көптеген көлік және байланыс кәсіпорындары істейді. Қала өз атын осы өңірде мол өсетін кішкене ағаштардың тұқымы қарағанға байланысты атаған (желтая акация). ХІХ ғасырда қаланың орнында ешнәрсе болмаған. 1833 жылы көмірді алғаш рет малшы бала Аппақ Байжанов тапқан. ХІХ ғасырдың аяғында көмірді алғаш рет орыс көпестері, содан кейін француздар және ағылшын кәсіпкерлері өндіре бастаған. Қаланың мәдени өмірі қызықты да көңілді. Қалада өнерді құрметтейтіндер «Шалқыма» концерт залына барады, онда классикалық музыка концерттерімен композиторлар, дирижерлар және музыканттар өнер көрсетеді. Сондай-ақ қала тұрғындары мен қонақтары С.Сейфуллин атындағы қазақ драма театрына, К.Станиславский атындағы драма театрына, Академиялық музыкалық комедия театрына және өзінің қорында 134-810 экспонаттары бар Қарағанды облыстық тарихи өлкетану мұражайына, Экологиялық мәдениетті дамыту мен сақтауға мамандандырылған Қарағанды экологиялық мұражайына бара алады. Қала аумағында 50-дей тарихи және мәдени ескерткіштер бар: Кеншілердің мәдениет сарайы, Н.Әбдіров атындағы Спорт сарайы, «Чайка» қонақ үйі, цирк ғимараты, «Шахтер» стадионы, Н.Әбдіров, Бұқар жырау, Ғ.Мұстафин, А.Байжанов ескерткіштері, «Шахтер Даңқы», «Мәңгі алау» әскери даңқы, Ауғанстанда қайтыс болған жауынгер қарағандылықтар құрметіне арналған сәулет-мемориалдық ансамблі және басқалар.