Уақыт бізге емес, біз уақытқа мұқтажбыз.
«Уақыт өлтірейік, өткізейік…» деген сияқты
сөздерді көп естиміз, өзіміз де айтып
жүреміз. Уақытты біз өлтіре алмаймыз. Уақыт
Алла тағаланың жаратқан мақұлығы. Уақытты
Ол ғана өлтіреді. Бұл сөзді астарлы, яғни
«уақыт өткізу» мағынасында да қолданбаған
жөн. Өйткені бұлай ету адамды
жауапсыздыққа алып барады. Қазақ айтады
ғой: «қамшының сабындай қысқа ғұмыр…»
деп. Ендеше, уақыт қадірін түсінгенге не
жетсін? Уақыттың қадірін жете түсінген Алла
тағаланың уәли құлы Имам Уақи қарны
ашқанда нан жемей, тек сұйық ауқат ішеді
екен. Бұның себебін сұрағандарға ол:
«Нанды шайнауға жұмсалған уақытта күніге
50 аят және хадис оқуыма болады», – деп
жауап беріпті.