Туған жер туралы ой толғап, қалам тербемеген ақын -жазушы жер бетінде жоқ болар, сірә!? Бүгінгі күнге дейін туған жерге қаншама әдемі сөздер арналғанымен, ешкім де әлі атамекеннің құдіретін танытатын сөзді ойлап таппаған да шығар... Неткен ыстық, неткен құдіретті едің, туған жер! Алтын бесігіме аяқ баспағалы бірнеше айлардың жүзі болған еді. Осы ағаттықтың орнын толтырмақ болып, жақында ғана туған жеріме барып, тағызым етіп, сәлемдесіп келген жайым бар. Шіркін -ай! Өз еліңнің ауасы да , суының дәмі де, адамдары да тым өзгеше, айтып жеткізе де алмайсың! Туған жерге деген махаббат, сағыныш ештеңеге ұқсамайтын - ұлы сезім