Қазақтың ұлттық киімдері өте әсем, әдемі. Бас киімдері ер адамдарда тымақ, бөрік, тақия, құлақшын болады. Тымақ қыста өте ыңғайлы жылы. Оны аң терісінен тігеді, мойынды, құлақты, маңдайды толық жауып тұрады, тымақ кисең басың ешқашан тоңбайды. Бөрікте қыста киюге арналған бас киім, айналасы әдемі аң терілері, төбесі масаты. Тақия күнделікті, үйде киетін, жаз мезгілінде далада да киюге болады. Қыздардың бас киімі тақия, сәукеле. Әжелердің бас киімі кимешек, ақ жаулық.
Аяқ киімдері етік, мәсі, кебіс. Етіктері ұзын қонышты сапта етік деп аталады, және кәдімгі етіктер де бар. Мәсі ерлер де әйелдер де киетін аяқ киім, сыртқа шыққанда оның сыртынан міндетті түрде кебіс киеді.