У паэме Янкі
Купалы “Магіла льва” два галоўныя героі – Наталька і Машэка. Машэка – асілак,
які з маленства быў мацнейшым за сталых людзей. Ён вырас волатам незвычайнай
моцы і незвычайнага росту. Сілу сваю ён укладаў у працу і быў мірным і добрым хлопцам.
Да той пары, пакуль Наталька не здрадзіла яму, выбраўшы за мужа замест Машэкі
багатага пана. З той пары Машэка пераўтварыўся ў пачвару. Ён сышоў у пушчу і
стаў страшэнным злодзеям, забойцай, страшыў усіх навокал і не шкадаваў нікога. Самотны,
пакрыўджаны, бязлітасны – такім паказвае нам Купала Машэку. Асілак, які павінен
быць накіраваць сваю сілу дзеля
дабрабыту простага люду пераўтвараецца ў ворага.
Вобраз Наталькі ў
паэме можна назваць супярэчлівым. Спачатку яна быццам кахае Машэку і збіраецца
выйсці за яго замуж. Але калі той з’язджае на працу, каб зарабіць грошай на
вяселле, яна сустрэла багатага паніча і кінула Машэку. Такая дзявочая здрада і
абудзіла пачвару ў Машэку. Але, паводле Купалы, Наталька ў гэтай здрадзе не была
вінная: яе падманам і панскімі заляцаннямі прымусілі адмовіцца ад каханага
Машэкі. У выніку, дзяўчына не стрывала. Калі яны з Машэкам сустрэліся ў лесе,
той быў вельмі шчаслівы. Але Наталька схапіла нож і ў адначассе зарэзала
Машэку, які столькі зла спрычыніў людзям навокал.
Рамантычная
гісторыя кахання Наталькі і Машэкі апынулася крывавай драмай. У вобразах
Наталькі і Машэкі Купала паказаў нам народныя характары і папярэдзіў, да якой
бяды можа давесці крыўда.